My Community

Esta selmana,averamos otra vegada al conceyu de Miranda,y la verdá qu'en lu que llevamos d'añu,ye'l que mas fuimos,y tamos conociendolu dafechu.l'oxetivu ye arremangar al picu Porcabezas de 1241 m.la cume mas sobresaliente del cordal que tien el so mesmu nome,esta ye una xerra en meta de la de Vio y ya La veiga'l Cueiru,pe ronde pasa un bon cachi del Camín de La Mesa, pelos llindes los concejos de Grau y Miranda,como vos dais cuenta el collaciu y yo tamos dando-y a les pequeñes xerres ,que por ser pequeñes nun dexen de tener el so encantu y el so rixu,pues los desniveles son perimportantres.La ruta de güei entama na capital del conceyu,Balmonte de Miranda,dende ehí vamos pol camín vieyu a Ondes y Samartín d'Ondes;nun hai torgues pues ta marcau,cola pela oriella esquierda'l Pigüeña,per una prestosa castañera,con unes castañes bien bones,solu un cruce ún sigue les indicaciones de la G.R al Puertu Somiedo,la que hai que coyer ye la de la P.R qu'esguila a la esquierda a Ondes,ellí ya nel pueblu,hai un cartelu,cola siñal de P.R,se sigue y amesta cola carretera,seguimos per ella fasta Samartín d'Ondes;ellí se garra la nueva carretera que xube a La corredoria,y va a Dolia y ,Nocea y Tulinas,nel conceyu de Grau.ya namás garrar les primeres curves ya se curia el picu Porcabezas,y el valle que baxa del Campu'l Mouru, pela fastera esquierda vais ver unes siendes que xuben fasta ellí,estes se garran  nuna curva perpronunciada que arremanga con rixu a la esquierda,hai una portiella,per ehi ñaz el camín que vos amuesa'l Campu'l Mouru,ya nel camín de La Mesa,dende 'el el picu ta'l llau,15 m.y enrriba. La torna ficimosla por Dolia,pol Camín de La Mesa,ya en dolia se garra'l camín vieyu,que tamien te siñalau con seles de P.R.peru cuidau,prontu amestase con una pista,hai que baxar un cachín,y después d'una curva a la mandrecha,sal un camín a una cabana,xustu na siguiente curva,tirria per ehí,paez que nun hai camín peru ye solu enos metros,pues si garrais el de mas baxu vais dar  a una foz .Ya solu queda siguir el camín a Belmonte,per onde s'entra xunto la ilesia.A la baxada pañamos un par de kilos de castañes,y ¡Qué bones tan!,la pena foi que pillamos un mal día fasta'l picu lloviendo a cachos,y ya toa la torna a Belmonte lloviendo a mares,colo que fotos sacamos les que pudimos,y el paisax nun se dexo ver munchu,aun asina prestonos enforma.Una arremangada de cuasi 1000m dende Belmonte al picu y otros tanto de baxada.lu pior baxar pues los caminos taben que resbalaben en forma y mas dúna vez acabamos colos culos nel suelu,asina que lu que llego frayau non fueron les piernes sinon nuesos traseros  colos resbalones.

SAMARTÍN D'ONDES,esti pueblu tien una historia rica y anguaña,ya tiense estayes d'èl  nos sieglos X y XI,onde apaez nomau como Ondes, pasando el camín de la mesa y xunto él alcuentranse ambutes castros y yacimientos megalíticos,lu que da la importancia d'esti pasu n'Asturies dende lo mas anguañu,amás d'alcontrarse les Ventes de La Corredoria (güey romocicada),y onde enantes facíase una perimportante feria de ganau y güei solu queda una xira a l'entamu setiembre y la venta de Porcabezas,güei esmolecía.Nel sieglu XII taba dientru'l Territorio medieval de salcéu,y llueu nel XII, pasa l'Alfoz de grau de onde colará'n 1886 al conceyu de Miranda.Nel barriu La Quintanota alcontrase una torre  del 1693.(la podeis ver a la esquieda'l pueblu)
(http://img509.imageshack.us/img509/8302/img3103rk6.jpg) (http://imageshack.us)


Valle'l Pigüeña,peles tierres mirandeses y somedanas,a la mandrecha tenemos los valles mirandeses de La Muria y Cuevas,y el valle somedano del Pigüeña,enrriba la xerra la Cabra,dende la cimera del barranco La Real,que ñaz nel Altu'l Mouru,na base'l Porcabezas
(http://img509.imageshack.us/img509/9365/img3104zr7.jpg) (http://imageshack.us)


PICU PORCABEZAS a la esquierda La Bobia per onde xube'l camín
(http://img509.imageshack.us/img509/593/img3105jb7.jpg) (http://imageshack.us)


Samartín d'Ondes,Vigaña de Miranda,tras la xerra'l Quintanal y Manteiga
(http://img509.imageshack.us/img509/2354/img3106dm8.jpg) (http://imageshack.us)


XERRA MANTEIGA
(http://img509.imageshack.us/img509/9783/img3107py6.jpg) (http://imageshack.us)


Dende la cume facia'l norde,un mar de ñubes tapecíanlu tou,a la esquierda continua'l cordal de Porcabezas,col pueblu de Dolia,tras la xerra de Vio,y enrriba les ñubes el Couriu,y al fondu l'Estoupo
(http://img509.imageshack.us/img509/7844/img3108pr7.jpg) (http://imageshack.us)


Pal LLau moscón El campu y altu'l Mouru,tras la pista a Nocea, el Mangoneiru,y el mar de ñubes sobre'l valle del Cubia y Nalón
(http://img509.imageshack.us/img509/7681/img3109pq9.jpg) (http://imageshack.us)


  Ya entamó a llover con rixu  y asina fasta Belmonte,dempues de xintar en Dolia,ya elli un cafetín con gotes pa calentanos