VALLE DEL RÍU RAÍCES (CASTRILLÓN)

Voi a entamar agora una estaya d’escursiones,pel miu conceyu, y, asina voi dándovos a conocelu.Nun ye montañosu darréu,peru tien abondos abellugos y paisaxes que vien merecen la pena que se conozan.Ayer,por fin ( a pesar de les amagaces),dionos asélu’l tiempu,asina que con un par de pás del cole colamos a marcar la siguiente escursión que vamos facer l’AMPA,colos nenos,que sedrá pel nuesu conceyu,tan esmolecíu pa cuasi toos,y mas polos nenos,asina qu'a partir d’agora vamos amestar una salida per Asturies y otra por Castrillón,y qu’estimemos lo prestosu que ye Castrillón.y como non invitavos a to@s a conocelu,merez la pena,vos lo aseguro.

Vamos a marcar una circular peles parroquies de Quiloñu y Piarnu,nel valle del Raíces,pa ello vamos amestar dalgunes de les rutes qu’ahí nel conceyu (La Peruyera,La Ruta L’Agua,y la de Pulide),per estayes salionos una perguapa,afayaiza d’andiar,per caminos asfaltaos y carreterines ,aptes pa cualquier andariegu.

Entamanos y (sedrá’l final),nel pueblín de la parroquia de Quiloñu,El LLordal,nes escueles rurales,onde garramos la carretera llocal que xune a Las Bárzanas.

Ilesia de San Miguel de Quiloñu,se cree (pela toponimia) que yera una anguaña villa romana, (Quilonius),na ceneyada la calzada romana de la costa,y la secundaria que pel valle del Raíces,diba a amestar cola d’Avilés p'amosar a Grau.

Ara esmolecía del anguaño Monasteriu de Quiloñu,cola inserción ADENFON-SUS XPI SEWR-VUS.(Alfonso fíu de Cristu),fundáu pol rei astur Alfonso III,peru hai investigadores que creen que l’ara refierese al rei castu,Alfonso II,pues el nomábase asina,colo cuál,el monasteriu sedría mas vieyu.Amas nél había bayura de reliquies perimportantes: la sangre de Cristu,de la Virxen,de san Xuan,Santiago,…güei esmolecíes dafechu

Na ceneyada la carretera que vien de Piedarasblancas,cola en frente una carreterina,la cuál garramos y nos xube fasta la Capiella’l Cristu La Misericordia,
Las Barzanas,al fondu’l Prau’l Marqués,la cume de mas altor del conceyu,en Pulide

El valle’l Raices,con Las Barzanas,dempués Piarnu y al fondu Orbón

Capiella del Cristu La Misericordia, fundada nel 1794 por un tal Conz.de Castrillón y dedicada nel entamu a San Bernardo Abad;la imaxen d’esti Cristu tien fama de ser milagrera nel conceyu

Na mai pasala,alcontramos un camín formigonau que baxa a man esquierda y va empobinanos al llavaderu públicu de Las Barzanas; equí tiramos a man drecha per una carreterina que xube y amosanos a La Braña; ya enriba ensin topar el pùeblu,tiramos per una pista a man esquierda que cola tras una granxa esmolecía,la seguemos y nos empobina a l’anguaña ermita (güei llocal de l’asociación de vecinos de Llodares) ,ya na carretera un cachín mas alantre,devolamos a la mandrecha p’aportar al pueblu de Llodares

Llodares.Otru llugar con anguaños raigones nel tiempu,el nome paez que vien d’un topónimu romanu,onde había una villa tardoromana,”Villa de Lodorius”,ya tenemos reseñes nel 905 como Lodares,equí alcontramos una bona bayura d’horros y paneres perguapes,manches d’elles decoraes con motivos tradicionales.

Conxuntu d’horros y paneres

Detalle d’una panera

Seguemos y pasamos al llau la bolera

Equí vamos colar del camín programáu p adir ver la charca de PASEK,enantes una prestosada y abellugu d’ambutes aves,agora esgonciada por abondos escombros de la mesma fábrica.

Dempués de vela seguemos un pelín pela carretera,y al pocu a la esquierda garramos el camín que per unes finques y cruciar un prau,aporta a la pista qu'amuesa a LLanzadi,equí amestamos cola Ruta l’Agua,la que ya seguemos fasta Piarnu

Valle d’El Regueru o Foncaliente,tras el Monte La Piedra y Prau’l Marqués

Colamos por LLanzadi ,la pista baxa a la gueta de Las Barzanas.,enriba a la esquierda La Braña y la ponte l’autovía’l Cantábricu

Peru enantes devolamos a la esquierda,onde curiamos l’acueductu del Canal del Narcea

Y el pueblu de Meruxeras

La pista xube a la gueta de Pipe.lo colamos y vamos alcontarnos col Barriu El Cuadru de la parroquia de Pianu,vamos colar en frente del restaurante Casa Nuevu,onde paramos a tomar un caldín,que nos atempera les vidayes.

Garramos la carretera que xube a La LLaguna,y na curva que débola a la esquierda garramos el camín en L’Olmedo qu’empobinanos a Romadoriu,otru llugar con raigones romanes y medievales,elli garramos la carreterina qu’aportanos a Tres Valles y Orbón.Otru llugar onde asítiose una villa tardo romana y ya apaez nomao nos documentos de la monarquía asturiana.dende equí por La Choricera a La Cangueta.onde cruciamos la carretera y empobinamos a una carreterina que ta enfrente y esguila al restaurante La Barrosa,pero enante llegar ,nos esviamos a la esquierda pa dirixinos al llugar de La Barrosa

Equí les curiaes al valle de Piarnu son perprestoses.

Ya solu ye siguir la carreterina a Teboyas,y en vez de tirar a Peñarei,garramos una carreterina que baxa a la gueta de La Candaliega.Ya embaxo,garramos una pista que pela oriella’l riu,v’a empobinanos a una carreterina que la seguemos y finamos n’El LLordal,onde tan los coches.
Una cervecina (ensin alcohol) garrar el coche,y dir al cole a polos nenos y xintar toos xuntos en casa