Monte Frechura y peña reconcos (Morcín -Mieres)

Esta ye la primer salida a los montes que fain la llinde ente Mieres,Riosa y Morcín,(a la segunda tan el foru).Esta vegada vamos a averanos a la xerra dende tierres de Morcín,y voi col miu tíu Manolo(seguidor d’esti foru,un saludu perfuerte,tiu).Vamos dir al Monte Frechura y la Peña Reconcos,asina que dexamos el coche nel chigre de Les Maces,na carretera y garramos el camín qu’eaporta al collau Robles,que llueu baxa a la Veiga San Pedro,El Frechura ta dientru una bayura de cumes que dende Morcín peles fasteres de los anteriores conceyos va fasta'l LLosoriu,cuchillares calizos que dan un paisax alpino,con cantiles increyíbles,onde rellumen el Monte Frechura y los cuchillares de Garcilleru,Reconcos y Peña Manteca;bosques xabaces,onde abeyuguense los llobos y el maraviellosu fayeu de Reconcos.
Vamos subir primero al Monte Frechura (718 m),dende’l Collau Robles,pa ello dende Les Maces garramos una caleya que baxa a una anguaña quesería y qu’amuesa a la vía’l tren pa coyer un pocu mas arriba la carreterina qu’aporta a Porriman,onde garramos la bona pedrera que xube’l Collau Robles,les vistes al Monsacru y L’Aramu tan prestases,ya cuasi arriba atopamos el mayau de Robles,onde la pedrera esmolece dafechu y camuda a un mal senderín,xintau de cotoyes y bardial:garramos un senderín que sal a la nuesa esquierda y que mas mal que bien va empobinándonos a la cume.Ya enrriba les vistes al Valle del Caudal prestoses en forma,les xerres de LLagos,Fayeu,Baiña,El Padrún,xerres que esta seronda e iviernu tamos pateando dafechu.Tornamos al Collau Robles,y empobinamos a les lladeres de la Peña Reconcos a la gueta d’un pasu que nos dexe facer cume,asina que pol fayeu,alcontramos unos seros d' animales y pente’l xabaz fayeu vamos xubiendo fasta atopar les muries infranqueables de la Peña,alcontramos un pasu y nos llancamos enrriba’l cuchillar,que pa ambos llaos son paredes verticales,con ambute cuidau vamos pela cimera a la gueta d'un pasu al Garcilleru,peru'n tayu lu impide,asina que nos quedaben dos salies o tornar pel fayeu u alcontrar un pasu que nos permitiera baxar fasta los praos d’enrriba La Figar,entamamos a baxar pela paré y fuimos alcontrando pasos que nos dexaben baxar,anque fuera faciendo alpinismo a cachos,con munchu cuidau y selequinoas baxamos ,y ya pelos praos a la pista que dende La Ponte va'l collau Pandu,ya a La Figar y pela carreteririna a La Ponte y xustu al llau’l cementerio va la vía’l tren que nos torna a Les Maces.Una bona y prestosa (con daqué aventura),eh,tíu?

[

b]Subiendo pela pedrera de Les Maces al Collau Robles[/b]